|
| كاتب الموضوع | رسالة |
|---|
|  موضوع: انتى مرتبطة؟؟؟  الثلاثاء 12 يوليو - 1:25 |
|
انتى مرتبطة؟
أيوة أيوة بكلمك انتى ماتبصيش يمين و شمال... ها.. مرتبطة؟
شايفك مستغربة سؤالى... فى الحقيقة انا شفتك كاتبة على الفيسبوك
...
انك فى علاقة In a Relationship
يعنى مرتبطة بواحد مش كده؟
طبعا دى كلمة مش معناها و لا مخطوبة و لا متزوجة... لا فقط مرتبطة
للى مش عارف معنى الكلمة أحب أوضح أكتر..
كلمة مرتبطة معناها إن البنت ببساطة بتعرف شاب غالباُ بيكون فى السر و بيكون بينهم ما يسمى بعلاقة عاطفية
و ممكن يتقابلوا و يخرجوا كمان..اه عادى و ماله
و ايه المشكلة لما تتقابل بنت مع ولد و يخرجوا؟
إذا كانت مش عاملة حساب لربنا ..حتعمل حساب لأهلها؟؟
انا ليه شايفك منزعجة من كلامى؟ هو انا بقول حاجة غلط لا سامح الله؟
آآآه انتى مافهمتيش قصدى ايه لما قلت مش عاملة حساب لربنا صح؟
طيب أنا حوضحلك
هو انتى لما تقابلى أو تعرفى شاب فى السر من ورا أهلك ده يبقى حلال و لا حرام؟
مش عاوزة تردى عليا؟
تحبى أرد عليكى انا؟
حرد عليكى و لكن بكلام ربنا اللى شايفك و مضطلع على كل افعالك
بَعْضُكُمْ مِنْ بَعْضٍ فَانْكِحُوهُنَّ بِإِذْنِ أَهْلِهِنَّ وَآتُوهُنَّ أُجُورَهُنَّ بِالْمَعْرُوفِ مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ... (إلى أخر الآية فى سورة
النساء:25)..عرفتى الرد؟
المسافحات يعنى اللى بيرتكبوا فاحشة الزنا
و كلمة متخذات أخدان يعنى ليهم أخلاء (حبيب) فى السر.. يعنى بتعرف شاب فى السر ن ورا أهلها
يعنى ربنا قال على النساء المؤمنات انهم محصنات علشان مش بيعملوا سفاح و لا بيتخذوا أخدان..
عرفتى حجم الغلط بتاعك قد ايه؟
طيب انتى قريتى كلام ربنا فى الآية الكريمة
وَلَا تَقْرَبُوا الزِّنَا إِنَّهُ كَانَ فَاحِشَةً وَسَاءَ سَبِيلًا ﴿الإسراء: ٣٢﴾
لاحظى هنا إن ربنا مثلاً لم يقل لا تزنوا... لا ده قال وَلَا تَقْرَبُوا الزِّنَا
ده يعنى ايه؟؟
يعنى نبعد عن الأسباب اللى تؤدى إلى الزنا علشان لا نقع فى الزنا
طيب يا ترى ايه الأسباب اللى تخالينا نقع فى الزنا؟؟
أفندم؟؟ انتى حتعملى نفسك مش عارفة؟
هو انتى بتعملى ايه زيادة عن اللى مكتوب؟
أيوة طبعا حضرتك لما بتكلمى شاب و بتعرفيه فى السر و بينكم ما يسمى بعلاقة عاطفية
مش بتخضعى فى القول ؟ يعنى بتتكلمى بدلع معاه... ما تنكريش و خالليكى صريحة مع نفسك
و لما يسمع صوتك و انتى بتدلعى بيطمع فيكى و زى ما ربنا قال
فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَعْرُوفًا
تعرفى يطمع فيكى يعنى ايه؟ يعنى شهوته تقوم عليكى لانك بتشجعيه على كده
طبعا كلامى نرفزك و بتقولى فى نفسك ايه الكلام ده و انت ازاى تكلمنى كده؟؟
إهدى بس شوية و اسمعينى لحد الآخر و ماتكابريش ..الجرح لما حد بيلمسه.. بيؤلم
لما بتخرجوا مع بعض مش بيحاول يمسك إيدك ؟
طبعا فى مناسبات كتير لكده..بيعديكى الشارع مثلا؟
هااا.. حصل مش كده؟
كل اللى بقوله ده و مش شايفة أى أسباب تدعو للزنا فى المستقبل؟
ده حتى الحكمة بتقول نظرة..فابتسامة..فموعد..فلقاء
مش ماسكة إيد و كلام بدلع؟؟!!
طيب تعالى بقة نجمع الكلام كده و نلخصه و نبص للصورة من بعيد
إنتى تعرفى شاب من ورا أهلك
بتكلميه بدلع و بيحصل بينكم كلام غرامى فى السر
بتخرجوا سوا و سعات بيمسك اديكى أو على الاقل بيلمسها
يا ترى عندك تعليق على الكلام ده؟
ربنا قال مُحْصَنَاتٍ غَيْرَ مُسَافِحَاتٍ وَلَا مُتَّخِذَاتِ أَخْدَانٍ
و انتى متخذة خليل فى السر
ربنا قال فَلَا تَخْضَعْنَ بِالْقَوْلِ
و انتى بتتكلمى معاه فى كلام غرامى من نوعية بحبك وحشتنى !!
دلوقتى بقة فهمتى لما انا قلت من شوية انك مش عاملة حساب لربنا؟
كان عندى حق مش كده؟
عارفة... الولد اللى تعرفيه ده لو كان فعلا ابن ناس و محترم و مؤدب و بيحبك
زى ما هو مالى دماغك كان عمل ايه؟
كان قالك إحنا لازم علاقتنا تكون فى النور
و ماينفعش نكون فى السر من ورا أهلك...انا لازم أخطبك
لكن طبعا هو مش فى دماغه كده..إذا كان قدر يوصلك و بيسمع الكلام اللى بيحبه
و ضحك و دلع يبقى ياخد خطوة رجالة ليه بقة؟
طيب أقولك على معلومة حتضايقك أوى ؟
الشاب اللى تعرفيه ده ما يرضاش ان أخته تعرف شاب فى السر زى ما بيعمل معاكى
عارفة ليه؟ لإن بالمعايير الواقعية أخته أغلى منك عنده
مهما قال و ضحك على عقلك بكلام معسول .. انما الواقع حاجة تانية
 |
|
  | |
| | موضوع: رد: انتى مرتبطة؟؟؟ الثلاثاء 12 يوليو - 1:36 |
| الكلام دا كبير عليا هاتفتحوا عينى على حاجت انا صغير عليها
ههههههههههههههههه
كلام جميل عاقل رزين معتدل محترم يحترم
جزاك الله خيرا على هذا الموضوع المميز |
|
| | |
| | موضوع: رد: انتى مرتبطة؟؟؟ الثلاثاء 12 يوليو - 1:46 |
| كلام جميل جداااااااااا
وملخص لحياتنا اليوم
وفي الدروس المستفاده
وربنا يهدي شباب امتنا جميعا
وجزاكي الله خير |
|
| | |
| | موضوع: رد: انتى مرتبطة؟؟؟ الثلاثاء 12 يوليو - 3:43 |
| - elkashif كتب:
- الكلام دا كبير عليا هاتفتحوا عينى على حاجت انا صغير عليها
ههههههههههههههههه
كلام جميل عاقل رزين معتدل محترم يحترم
جزاك الله خيرا على هذا الموضوع المميز هههههههههههههه حضرتك اللى صغير ولا انا ومشكور على مرورك المميز |
|
| | |
| | موضوع: رد: انتى مرتبطة؟؟؟ الثلاثاء 12 يوليو - 3:44 |
| - ayman elsaid كتب:
- كلام جميل جداااااااااا
وملخص لحياتنا اليوم
وفي الدروس المستفاده
وربنا يهدي شباب امتنا جميعا
وجزاكي الله خير امييييييييييين يارب العالمين وجزاك الله خيرا |
|
| | |
| | موضوع: رد: انتى مرتبطة؟؟؟ الثلاثاء 12 يوليو - 8:19 |
| ااكيد الكلام ده ينطبق علي المرتبطين ال هما مخطوبين يعني لان حرام برده يخرج معها
مشكووووووووووووووره نور وجزاك الله كل خير
تحياتي |
|
| | |
| | موضوع: رد: انتى مرتبطة؟؟؟ الثلاثاء 12 يوليو - 9:00 |
| جزاكى الله خير حبيبتى نوروربنا يهدى شباب وبنات المسلمين ويهدينا اجمعين اللهم ارنا الحق حقا وارزقنا اتباعة وارنا الباطل باطل وارزقنا اجتنابة |
|
| | |
| | موضوع: رد: انتى مرتبطة؟؟؟ الثلاثاء 12 يوليو - 12:24 |
| ايه ده انا علطول متأخره كده طب حد كان يرن يقولى
فعلا يا نور و الله هو ده ال بيحصل علطوووووووووووووول
و انا تعب من انى اقوله
و ربنا قال لاتتبعو خطوات الشيطان
ليه لان الشيطان بيدخلنا من حتت صغير ه و بعدين بيجرنا
يعنى مثلا عمرنا ما سمعنا ان بنت اتجوزت ولد فى السر و هى شيفاه لاول مره اكيد كلاام مش منطقى
لازم تكون عدت على المراحل كلها و ممكن كمان تكون نطت المراحل و فى اول مره شافته فيها
كانت عمرها ما تتخيل انها تعمل كده
و سبحان الله احنا لو سمعنا كلاام ربنا من الاول و غضينا بصرنا كده من البدااااااااايه
مكنش اىىىىى حاجه هتحصل
و اوعو تقولو ده زى ...........
اخويا لا هو مش اخوكى ممكن انتى مش تحبيه ممكن هو يحبك ممكن انتو الاتنين تحو بعض
محنا قولناها و لا تقربو الفواحش ما ظهر منها و ما بطن
و زى ما قولتى يا شماء الدعاء ده
الللهم ارينا الحق حقا و ارزقنا اتباعه و ارينا الباطل باطل و ارزقنا اجتنابه |
|
| | |
| | موضوع: رد: انتى مرتبطة؟؟؟ الثلاثاء 12 يوليو - 13:50 |
| - sara99 كتب:
- ااكيد الكلام ده ينطبق علي المرتبطين ال هما مخطوبين يعني لان حرام برده يخرج معها
مشكووووووووووووووره نور وجزاك الله كل خير
تحياتي اه اكيد الكلام ده بينطبق على المخطوبين لان كلاهما اجنبى على الاخر والخطبة ماهى الا مجرد وعد بالزواج مش اكتر وممكن اى واحد يسيب التانى فده اكيد بينطبق عليهم جزاكِ الله خيرا على مرورك حبيبتى |
|
| | |
| | موضوع: رد: انتى مرتبطة؟؟؟ الثلاثاء 12 يوليو - 14:17 |
| - bassma كتب:
- جزاكى الله خير حبيبتى نوروربنا يهدى شباب وبنات المسلمين ويهدينا اجمعين اللهم ارنا الحق حقا وارزقنا اتباعة وارنا الباطل باطل وارزقنا اجتنابة
آآآآآآآآآآآآآآآآآآمين يارب العالمين جزاكِ الله خيرا بسمة على مرورك الذى اضاء موضوعى |
|
| | |
| | موضوع: رد: انتى مرتبطة؟؟؟ الثلاثاء 12 يوليو - 14:27 |
| - vanis كتب:
ايه ده انا علطول متأخره كده طب حد كان يرن يقولى
فعلا يا نور و الله هو ده ال بيحصل علطوووووووووووووول
و انا تعب من انى اقوله
و ربنا قال لاتتبعو خطوات الشيطان
ليه لان الشيطان بيدخلنا من حتت صغير ه و بعدين بيجرنا
يعنى مثلا عمرنا ما سمعنا ان بنت اتجوزت ولد فى السر و هى شيفاه لاول مره اكيد كلاام مش منطقى
لازم تكون عدت على المراحل كلها و ممكن كمان تكون نطت المراحل و فى اول مره شافته فيها
كانت عمرها ما تتخيل انها تعمل كده
و سبحان الله احنا لو سمعنا كلاام ربنا من الاول و غضينا بصرنا كده من البدااااااااايه
مكنش اىىىىى حاجه هتحصل
و اوعو تقولو ده زى ...........
اخويا لا هو مش اخوكى ممكن انتى مش تحبيه ممكن هو يحبك ممكن انتو الاتنين تحو بعض
محنا قولناها و لا تقربو الفواحش ما ظهر منها و ما بطن
و زى ما قولتى يا شماء الدعاء ده
الللهم ارينا الحق حقا و ارزقنا اتباعه و ارينا الباطل باطل و ارزقنا اجتنابه لا متاخرتيش ولا حاجة دااحنا نوقف الدنيا كلها عشانك ياقمر وفعلا كلامك صح العين هى اخطر باب لدخول الشيطان لان النظرة سهم مسموم فاثرها يستمر وان غاب المنظور اليه تشغل فكرا فتورث هما وتنبت شهوة فتنبت هوى شانها شان السهم المسموم فان السم يظل يسرى منه الى الجسم وان نزع السهم من موضع الاصابة. لان هيبة الله فى القلوب قلت والجراة على محارمه زادت وتكرار النظر الى الفواحش اورث القلب بلادة فى الاحساس واستئناسا بالذنب وادمانا له وفرحا عند الظفر به. |
|
| | |
|
الاوسمه
مدى نشاط الاعضاء
الكلمات الدلالية 
رابط الموضوع 
BBCode 
HTML كود الموضوع 
هام جداً: قوانين المساهمة في المواضيع. انقر هنا للمعاينة 
