الخبز لين و الحشوة لذيذة كذا الواحد ياكل قطن مافيها شي يابس
الخبز
"بالاكواب والملاعق المعيارية"
٣ ك طحين
١/٢ ١ م ك سكر
رشة ملح
١/٢ بيالة زيت
١ م ك خميرة تذوّب في كوب موية دافيه
١ بيضة
العجينه طلعت معاي رخوة شوي فـ زدت لها طحين شوي لين ماتماسكت وكملت عجن بالـ يد مع طحين
نتركها تخمر ١٠ - ١٥ دقيقة
بهالوقت تبلت الدجاج
صحن صدور دجاج مقطع شرايح رفيعه
علبة زبادي
فلفل اسود
عصير ليمونة
شوي كمون مطحون + كزبرة مطحونه
نغطيه وندخله الثلاجه عـ بال مانخلص الخبز
العجينه سوت معاي ١٢ كورة عجينه حجمها متوسط
نفردها رقيــــــــقه مره يعني خلاص تقريبا تصير شفافه من الفرد وحتى الاطراف عشان لا يصير الساندوتش معجنة اطرافه
ندهن الصاج التيفال الحجم الكبير بـ مسحة زيت ونحميها على نار عالية
قبل لا تحطين الخبزة تاكدي انك مسحتي الطحين الزايد منها عشان لا يحرق
حطيها و وطي النار على طول .. اول ماتظهر فقاعات على السطح اقلبيها ما تاخذ وقت ابد
و لو انتفخت الخبزة اضغطيها بالملعقه او افقعي الفقاعه من الهوا
على طول حطيها في حافظة وسكريها زين عشان لا تيبس
و كملي الباقي .. على نار هادية
نحمس بصل شرايح مع ٢ ثوم لين ما يذبل بعدين نضيف الدجاج و نص ماجي نخليه على نار هادية لين ماتنشف مويته
نعدل الملح لو يحتاج .. نخليه يبرد بعدين نضيف ملعقتين كبار طحينه ونقلب زين
ندهن الخبزة بـ مايونيز .. احلى شي هاينز
بعدين شرايح جبن " شريحه الجبن اقسمها ٤ شرايح بالطول واحط ٢ في كل خبزة"
خس مفروم
الدجاج
بطاطس مقلي
مخلل خيار
الاوسمه
مدى نشاط الاعضاء
موضوع: الشورما 
الخميس 6 أكتوبر - 1:34
الكلمات الدلالية 
رابط الموضوع 
BBCode 
HTML كود الموضوع 
هام جداً: قوانين المساهمة في المواضيع. انقر هنا للمعاينة 
