طبعا انا نقلت الموضوع ده عشان كل البنات تتعظ وتاخد بالها
ســـــــــــــــــاره



انا جايا احذر كل البنات لان انا شفت بالصدفه
كارثه بمعنى الكلمه وصعقت لما شفتها والله والله بقيت واستغربت ان يكون دى
اخلاق مسلمين وبكيت بجد لان ال شوفتو حزني اووووووووووي

ال حصل ان انا وانا ببحث في الفيس بوك وبالمصادفه شفت


جروب او صفحه اسمها
صور بنات مش كويسين يعني
فامن فضولي فتحت الصفحه دي ودخلت اشوف في ايه
شفت كارثثثثثثثثثثثثثثه يابناااااااات


تخيلو جايبين صور بنات محجبات وباين عليهم
محترمين جدا والله البنات متصورين فالجامعه وفالمدرج وفي النادي وصور عاديه
وبالحجاب وجايبين صور منقبات فالجامعه بردو وماشين فشارع وكاتبين تحت
الصوره كلام بشششششششششع
يعني كاتبين ان البنات دول مش كويسين وال يحب يتواصل معاهم ده الرقم او الايميل تخيلو
بيشوهو سمعت البنات المحترمات


ال لفت نظرى بقا
ان في صور بنات عاديه جدا بنت متصوره ف بيتها مع اختها او فالمطبخ بتعمل حاجه ولابسه بجامه عاديه جدااااااااا ومحترمه وشعرها عادى
وال عرفته من الكومينتات
ان في بنات صحبات بعض
بيصورو بعض عادى ع انهم صحاب يعنى تبقي صحبتها معاها فالبيت تقلها هاخد
صوره ليكى مثلا فالبنت بكل براءه بتوافق وممكن البنت التانيه ال صورتها
تكون نيتها وحشه وتنشرها ع النت
وتقول عليها كلام وحش
وبصراحه البنت شكلها برئ ومحترمه جدا واظاهر ان الصوردى اتخدت كمان وهى مش وخده بالها او اتسرقت من جهازها

وصور بنات فالجامعه ومنقبات
طبعا هتقولولى مش يمكن تكونو صح البنات دول مش تمام هقلكم انى شفت وحده
بتقول اتقو الله دى صوره بنت محترمه معايا فجامعه وعيب تشوهوة سمعتها
وشيلوها وكده
وكمان ال عرفته ان ممكن البنت تكلم فتليفون او ع النت مع اى ولد ع انها دى صورتها فهمنى
يعنى مش بيتقابلو


فانا من هنا بوجهه الرساله دى لكل بنت وانا اولكم
اى صوره ليكى ع جهازك امسحيها فورا في ناس مريضه ونفوسها ضعيفه بتسرق الصور بتاعت بنات وبتنشرها بشكل سئ

ولكل بنت بتحط صورها ع الفيس بوك ارجوكى اتقي الله وخلى نفسك غاليه وحتى لو
بتحطيها وانتى محجبه اهو انا شفت بعيونى بنات محجبات متقال عليهم اوحش
الكلام ومحطوط صورهم ع جروب مش محترم

فا الاحسن بلاش تحطى صورتك ع الفيس حتى لو قافله بروفيلك وعملاه لاصدقاء
فقط حتى لو خافيه لصور لبعض اصدقاء فقط في برامج وفي هكر يقدر يفتح ويخترق
ويجيب الصور

لكل بنت بتحط صورتها بالفستان او طقم جديد وتطمس الصوره احب اقلك ان
ان في برنامج بيشيل المطس ده
يعنى انا اقدر اخد صوره اى بنت واجيب برنامج واشيل الطمس وكده اشوفها بشكل عادى وكان الصوره مش مطموسه


حاجه تانيه احب اقولهالكم مبقاش في صحاب كويسين ولابقا في امان فالدنيا
متديش صورتك لصحبتك متخليش صحبتك تصورك بموبيلها متديش صورك لحد وتقولي ده
عادي صحبتي او قريبتي لا في بنات بتغير من بعض وحقوده ممكن تعمل بصوره اي
حاجه
حافظو ع نفسكم يابنات
فهمتو كلامي يابنات
مبقاش في امان فالدنيا

ارجوكم ارجوكم شيلو صوركم يلا ف سي دي او ع فلاشه صغيره وبلاش ع الجهاز ولااللاب توب
شيلو صوركم من الفيس الزفت ال خرب بيوت كتير ده

منعاً للمشاكل والشبهات يابنات حافظو ع نفسكم
في ناس معندهاش دين ولا اخلاق خالص والله

واحب ابشركم واقولكم
ان الصفحه ال بكلمكم عنها دي
اخترقها جماعه اسلاميه وكتبو عليها انها مخترقه وهيمسحو صور البنات دي
وهيمسحو كل حاجه وحطو فالصفحه قران وصور قرانيه وايات قرانيه وربنا يجازيهم
خير يارب
وربنا يبعد عنا كل شر
وارجو التقيم والرد
انا جيت احزركم ويارب تتقبلو كلامي
وربنا ييسترها ع جميع بنات المسلمين يارب


ملحوظه:.

يابنات انا عايزه افهمكم ع حاجه كل وحده بتحط صورتها ع الفيس بوك وهي محجبه
وتقفل البروفيل وتقفل الصور وتخليها لاهل واصدقاء فقط احب اقولك

ان في هكر ويقدر يخترق ويخش ويجيب صورك سوا من
الفيس بوك ا و جهازك
واحب اقولك كمان بما ان انتي مش خايفه عشان انتي محجبه

لا خافي ع نفسك ممكن يخدو صورتك ونتي بالحجاب ويحطو جمبك رجاله او راجل
ويشوهو سمعتك ويحطو صورتك ع صفحه مشبوهه يبقا استفدتي ايه
لما تتفضحي بعد الشر

ويجي يتقدملك شخص وتبقي خايفه هل هيصدقك ولاهيكدبك
فكري في دي كويس اوي فكري ف مستقبلك

وال متجوزه بتحطي صورتك انتي وجوزك ليه
احتفظي بيها لنفسكم

يعني لما يشيلو جوزك ويحطو بردو جمبك واحد غريب يبقا ايه الحل ساعتها
هتقوليلي ماممكن هيتعرف من اللبس بتاعي اني كنت فاليوم ده مع جوزي

بسيطه ممكن اخد وشك بس واركبو ع وحده لابسه بنطلون ضيق وبادي ضيق ومع راجل
او ممكن احط صورتك علي وحده شبه عاريه او مش لابسه

الفوتوشوب بيعمل بلاووووووووووووي وفي ناس قلوبها ونفوسها مريضضضضضضضه خافو
ع نفسكم ياجماعه

اعتقد ملوش لازمه نهائي نقلد الغرب وكمان ملوش لازمه نحط
صورنا عالفيس عشان الناس تشوفنا



مممممنقــــــــول للافاده

الموضوعالأصلي : تحذير مهم جدااااااااااااا للبنات المصدر : منتديات مملكة فلسطينى الكاتب: sara

Tweet

جزاكى الله خيرا ساره على رسالتك وتحذيرك الجميل ده
ومدى حرصك وخوفك على بنات المسلمين ، وربنا يجعله فى ميزان حسناتك

الموضوعالأصلي : تحذير مهم جدااااااااااااا للبنات المصدر : منتديات مملكة فلسطينى الكاتب: flestiny

Tweet