المواضيع العامه

السلام عليكم ورحمة الله وبركاتة
عاملين اية احوالتكم اخبارتكم تمام الحمد لله طيب الحمد لله

كلاكيت تانى مرة
اية رايكم فى الشات ههههه

اصل الموضوع دة اتناقش قبل كدة بس مش مع كل الاعضاء اللى بقوا موجودين

بس مش عارفة عايزة اناقشة تانى واشوف ارائكم تانى سواء عام او خاص

وجروبات الفيس والحوارت دى
يلا يا احلى اعضاء مستنية ارائكم
السلام علييييييييكم ورحمة الله وبركاتة

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: bassma

السلام عليكم ورحمة الله وبركاته
ازيكم جميعا يارب تكونوا بخير .كالعاده دخلت اقول رأيى المتواضع والذى أعتقده وأؤمن به ويارب يكون صدركوا رحب يتسع هذا الرأى
أولا الشات دا من وجهة نظرى وسيله للتعارف والتواصل
نيجى نكلم من الناحيه الدينيه أنا شايف الشات مش الحاجه اللى نقدر نقول عليها حرام قطعا . بمعنى طالما ان الشات وسيله للتواصل والتعارف بالطريقه التى يضبطها الأدب والإحترام والتى لا تسىء لأحد وليس بها ألفاظ خارجه ويكون له وقت محدد دا مش حرام الحرام فى ان الشات يبئا مضيعه للوقت بمعنى ان الواحد يضيع عليه وقته كله بدون استفاده الحرام ان المواضيع اللى فيه تبئا تافهه لا تسمن ولا تغنى من جوع انما لما تبئا مواضيع كويسه ووجهات نظر بتتقال وفيه استفاده داشىء كويس ولكن فى وقت محدد برده الحرام الكلام الخارج طبعا ودى الأسباب اللى خلتنى شخصيا ابعد عن شات زى الفريند
ثانيا بالنسبه لكلام الشباب والبنات مأدرش أقول إنه حرام برده ومافيش بنى أدم يقدر يحرمه واللى يقدر على كدا يواجهنى لأن الحرام انكوا تقعدوا مع بعض والقعده هاتجيب لمسه ودا الطبيعى ماشى دا حرام بدليل قول النبى ( لأن يضرب فى رأس أحدكم بمخيط من حديد خير له من أن يمس امرأة لا تحل له ) انما الشات مافيهش كدا الحرام فى المكالمات التليفونيه عشان صوت المرأه عوره إلا فى الحق اما الشات مافيش حد بيسمع حد.فى الأخر طالما الشات له وقت محدد وليس به كلام خارج وله ضوابطه التى تحكمه يبئا مش حرام . و الجمله الأخيره اللى احب أختم بيها ان كل انسان بيدخل بيبقى عارف ايه الصح وايه الغلط وله ان يفعل مايريد ويتماشى معه ومع اسلوبه وشخصينته
جزاكم الله خيرا على اعطائى هذه الفرصه لابداء الرأى
وشكرا ليكى يا بسمه على طرح الموضوع دا وعايز اشوف أراء الناس عشان ادخل اعلق تانى وتالت وعاشر ويبئا فيه ابداء رأى

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: elkashif

جزاكى الله خير يا كاشف على رايك كالعادة راى محترم ويحترم

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: bassma

ايه يا بسمه هو انتى كنتى بتطرحى الموضوع عشان تعرفى رأى الكاشف بس ولا ايه فين الناس يا جماعه عايزين مشاركه فى الموضوع دا وعايزين تبادل وجهات النظر وعايزين نشوف الناس بتفكر ازاى فى الموضوع دا وبناء على ايه وندخل نناقش بعض ونوصل لحاجه عيب كدا يعنى
ياريت اشوف رأيك يا بسمه انتى كمان
لكم تحياتى

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: elkashif

السلام علييييييكم ورحمة الله وبركاتة
ازيكم الحمد لله كويسين يارب دايما

ارد انا بقى ادام محدش رد
راى ببساطة جدا ومن غير تعقيد ان انا عندى النت زى حياتى العادية بالظبط
مبعرفش افصل بينة وبين حياتى
يعنى محظرواتى فى حياتى هى هى محظوراتى فى النت والعكس
فانا مبكلمش شباب فى العادى سواء لوحدنا او سط جروب بالظبط النت كدة
هوة هوة المبدا
وساعات بيتفرض عليا فى اى نشاط مثلا فى العادى انى احضر اجتماع مثلا او اكون فى عمل فى اعضاء شباب ففى الاجتمعات بعمل كومنتات زى هنا بالظبط واحيانا بطرح اسئلة محتاجه اجابتها او بكون مستمعة او بطرح راى
وطبعا الناس بتكون ملتزمة جدا والمكان محترم جدا واكيد النشاط محترم جدا
فبس دى كل الحكاية
وانا سمعت بعض الاقاويل ان الشات خلوة ومن وجهى نظرى المتواضعة انا بظنة كدة والشات الخاص عندى اكبر من اان بنت وولد يعدة مع بعض فى مكان عام
لانى بحس ان كلامهم وافعالهم على مرئى ومسمع من الجميع فتصرفاتهم وكلامهم الى حد ما محدود شوية
لكن الشات مفيش رقيب
فى ناس هترد وتقولى انا رقيبى الله ونفسى وانا بتحكم فى نفسى وانا شخصية محترمة وكلامى محترم
اكيد طبعا انا ببقى عارفة انى فى ناس بتبقى محترمة جدا فوق الوصف وكلامها كلة محترم
بس ربنا سبحانة وتعالى قال لنا
ولا تقربوا الفواحش ما ظهر منها وما بطن )
ربنا سبحانة وتعالى فى الاية مقلناش ولا تفعلوا الفاحشة
بل قال ولا تقربوها
عشان كدة قررت ان مفيش حاجة اسمها شات
واهو لفى اختلاف يبقى بنتفادى الشبوهات
واكتر حاجة مسكتنى راى وحسستنى ان الشات فعلا ميناسبنيش ان لو كان مثلا بابا الله يرحمة جى فجاة سالنى وقالى بتعملى اية يا حبيبتى اكيد هتكسف ارد واقلة بشيت يا بابا مع صديقى هههههههه اكيد رد فعلة هيبقى صعب ومكنتش هيبقى عايشة لحد دلوقتى
كذلك اخويا كانت هتجيلى صدمة قلبية

ودة راى المتواضع ياريت تقبلوة

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: bassma

نسيت حاجة انا مبقللش من اى حد بيعمل شات ومليش انى اقلة دة غلط وانا كنت زمان بدخل شات عام بس مكنتش متوصلة للوجهة النظر دى فاما توصلتلها واقتنعت بيها نفذتها فانا اعرف ناس محترمة جدا غاية فى الاحترام وعمرها ما كلمت شباب او حاجة بس ممكن بيبقى سهو منها او هى مقتنعة انة عادى فدى وجهات نظر وعلينا نتقبلها ونحترمها

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: bassma

السلام عليكم ورحمة الله وبركاته
بصراحه انا شفت الموضوع بس مش رديت أدخل وارد لأن انتوا عرفين رأيى من زمان وتناقشنا فيه قبل كده وانتظرت ايضا اما تقولوا وجهات نظركم
بصراحه يا بسمه انا برده مقيد لرأيك لأن هو اساس كل الببلاوى ال بتحصل وهو سبب كبير من اسباب ضياع البنات والشباب مع انى أول المخالفين وانا أولكم بدخل الشات الموجود هنا
فأسأل الله ان يتوب علينا
ممكن بعض الاعضاء يقولى سبب كبير ازاى فى ضياع البنات والشباب هرد بكل بساطه ان الشاب او البنت اما بيكلموا مع بعض مره واتنين وتثلاثه وبيرتاحوا لبعض الكلام ربما يعجب أحدهم بالأخر واحنا طبعا زى ماانتوا عارفين قلوبنا ضعيفه وايمانا أضعف بالأضافه الى وجود الشيطان فمع كل هذا ربما يقع الارتياح من الطرفان ويقع الحب والميل فى القلوب وهذا أمرا ليس بالبعيد عنا وليس بالمستحيل أو الصعب ومع الاستمرار لو كان الطرفان ليس عليهم رقيب من الله فربما يقعا فى المحظور بعد سلسله من التدرجات فى الموضوع
ده رأيى الشخصى الذى أدين الى الله به مع أنى كما ذكرت أنفا أنى أول المخالفين له وأسأل الله ان يتوب عليا منه وأن يبعدنا عنه حتى لاندخل فى قوله تعالى ( يا أيها الذين أمنوا لما تقولون مالا تفعلون* كبر مقتا عند الله أن تقولوا ما لا تفعلون)
ولا تمنعنى المخالفه من أبداء رأيى الذى اقتنع به وأنتم تدرون بل متأكدون من أن هذا الكلام صحيح مائة بالمائه لو فكرنا فيه لحظه ووقفنا أمام انفسنا وتركنا ضميرنا يحكم وليس الواقع منا ببعيد فكم ضاع اناس من مثل هذا وما زال يقعون ويضيعون الا ما رحم ربى
وفى البداية والنهاية أقدم خالص شكرى وتقديرى ليكى يا بسمه على هذا الموضوع الجميل وهذا الطرح البناء انتى والكاشف
أسأل الله ان ينفع بكما وأن يجمعنا فى جنته ودار كرامته انه ولى ذلك ومولاه

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: flestiny

جزاك الله خير يا محمد على مرورك الجميل اسال الله العظيم ان يتوب علينا جميعا ويرزقنا الفردوس الاعلى

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: bassma

هههههههههههههههههه أيوه كدا دا الكلام ندخل ونشارك ونتبادل الرأى ونشوف أولا أنا عايز اعلق على كلام بسمه
كلامك جميل جدا ودا شىء انتى مفتنعه بيه انك مش تدخلى الشات وتحظريه كما تحظرى كلام الشباب فى حياتك ولكن اللى انا مختلف معاكى فيه انك بتقولى سمعتى بعض الأقاويل ان الشات يعتبر خلوه ودا تضخيم للموضوع يعنى الخلوه الشرعيه ليها شروطها يا بسمه والتى لا تتوفر فى الشات اطلاقا فمأدرش أوصل الشات إلى انه خلوه دا تشدد وتزمت أنا شخصيا لا أقبله ولا أقره والله أعلى وأعلم . انما إنك تقولى مش هادخل الشات من باب العفه أنا معاكى فى دا إنما خلوه لا أوافق هذا الكلام
جزك الله خيرا يا بسمه
تحياتى

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: elkashif

فلسطينى فلسطينى فلسطينى
ان الشاب او البنت اما بيكلموا مع بعض مره واتنين وتثلاثه وبيرتاحوا لبعض
الكلام ربما يعجب أحدهم بالأخر واحنا طبعا زى ماانتوا عارفين قلوبنا ضعيفه
وايمانا أضعف بالأضافه الى وجود الشيطان فمع كل هذا ربما يقع الارتياح من
الطرفان ويقع الحب والميل فى القلوب وهذا أمرا ليس بالبعيد عنا وليس
بالمستحيل أو الصعب ومع الاستمرار لو كان الطرفان ليس عليهم رقيب من الله
فربما يقعا فى المحظور بعد سلسله من التدرجات فى الموضوع
الكلام دا حلو ههههههههههههههههههه يا واد انت يالى بتجيب م الأخر هو دا الكلام يا عم الواقعى انت . برده ليا تعليق صغير على كلام محمد
سيدى الفاضل كلامك صحيح جدا وأنا لا أختلف معك فيه ولكن ليس هذا الحرام.بمعنى الحب ليس بالحرام إنما الحرام فيما يتبعه من الاقوال والأفعال .أما من أحب وكتم ولم يصل إلى فاحشة أو إلى جريمه فأجره على الله لأنها مصيبه يبتلى بها العبد وبعض الصالحين أصيبوا بهذا الداءوماتوا عليه فأسأل الله لهم الأجر والقلوب بيد الله يقلبها كيف يشاء فليس قلبك تحت إمرتك ويكفى ما قاله جرير

إن العيون التي في طرفها حور قتلننا ثم لم يحيين قتلانا

يصرعن ذا اللب حتى لا حراك به وهن أضعف خلق الله إنسانا

أما الحرام قطعا هى التوابع من مقابلات وتليفونات والكلام المعسول فى الشات طبعا وما إلى ذلك ودليل ذلك قوله تعالى ( ولا متخذات أخدان ) فلا يجوز أن يتخذ الإنسان رفيقا
والشاهد من الموضوع انه لا يعيب المرء أنه أحب طالما كتم هذا الحب ولم يتبعه بما يغضب الله تعالى وعلاقة هذا بالشات علاقه جازمه بمعنى أنه من أعجب بإنسانه وأحبها وأرادها زوجة له ما العيب فى ذلك أن يكلمها ويكلم أهلها اذا كان مقتدرا أو أن تنتظره إلى وقت متفق عليه ويكون هذا الكلام مع أهلها أما اذا كان غير مقتدر فيكتم هذا وسيجعل الله له سبيلا. غير ذلك قطعا يكون حراما ولكن فى النهايه ما زلت عند رأيى اذاكان بالطريقه المحترمه الخلوقه المضبوطه قولا وفعلا فلا خطأ فى ذلك وكل انسان يعلم ماذا يقول ومع من يتكلم وماهى دوافعه . وجزاكم الله خيرا
تقبلوا كلامى بصدر رحب وانا اقول رأيى لا اكثر ولا اقل وهذا ما أعتقده جازما والله اعلى وأعلم
وفى النهايه أحسنـــــــــــــــــــــــــنوا نواياكم فهى أصل الأعمال

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: elkashif

السلام عليكم
بصراحة طرح مفيد جدا وأنا لما شوفت الموضوع لفت انتباهي وقررت ادخل اقول رأيي
أنا اعتبر الشات أحدى الوسائل الحديثة والمتطورة اللي توصل ليها الإنسان حديثا
والشات واحد من وسائل عديده للإتصال فيما بيننا
يعني لو سألت ما الفرق بين الشات وهاتف المنزل مثلا أوالموبايل والفاكس والتلكس والانترنت
كلها وسائل لإختصار الوقت والزمن والإتصال فيما بيننا
والعلم أختي بسمه معروف هو دائما سلاح ذو حدين
زي السلاح مثلا ممكن نسنخدمه لإعمال السرقه والسطو وإلخ
بينما يمكن أن نستخدم السلاح للدفاع عن الدين الوطن والأرض والشرف
والشات نفس الشيء سلاح ذو حدين يمكن إساءة إستخدامه حسب أخلاقيات الشخص نفسه
الذي يتعامل مع الشات
وأنا أخالفك الراي أختي بسمة عندما قلتي
لو كان مثلا بابا الله يرحمة جى فجاة سالنى وقالى
بتعملى اية يا حبيبتى اكيد هتكسف ارد واقلة بشيت يا بابا مع صديقي
اولا ربنا يرحم بابا ويجعله من اهل الجنه مع الصديقين والشهداء يارب
تانيا ليه افترضتي انه اي بنت بتدخل الشات لازم تكون بتتكلم مع صديق
أو اي شاب بيدخل شات لازم يتكلم مع صديقه
لو البنت عاوزه تعمل حاجة وحشة مش بالضرورة تدخل شات
الحجات الوحشة موجوده بالموبايل والتليفون وبوسائل اخرى كلنا نعرفها
وأي وسيلة من هذه الوسائل أيضا تؤدي للإسقاط إذا كانت النوايا أصلا غير طيبة وغير سليمة
الخطورة بالشات انه اي حد يتكلم مع شخص ميعرفوش
محتاج لوقت طويل علشان يكوّن معلومات عنه ويقدر يحلل شخصيته أذا كان وحش ولا لأ
فالأصل هي الأخلاق والتربية والتقوى والإيمانالتي تمليء قلوبنا وليس الوسائل التي نتواصل بها
فوسائل الإتصال متعدده ولكن يجب ان يكون الهدف الأسمى للخير وليس لغيره
شكرا لكِ بسمة على طرحك الجميل كجمال فكرك
تحياتي لشخصكِ الطيب

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: وســيم

ساعات بيتفرض عليا فى اى نشاط مثلا فى
العادى انى احضر اجتماع مثلا او اكون فى عمل فى اعضاء شباب ففى الاجتمعات
بعمل كومنتات زى هنا بالظبط واحيانا بطرح اسئلة محتاجه اجابتها او بكون
مستمعة او بطرح راى
وطبعا الناس بتكون ملتزمة جدا والمكان محترم جدا واكيد النشاط محترم جدا

انا بس قبل كل شئ وقبل رائ عايزه ارد ع نقطه بسمه
انتي قلتي بنفسك في الحقيقه في شباب والتعليم فرض عليكي كده
وده حرام انك تفضلي التعليم عن الدين
اذا قلتي ان الشات بتكلمي مع شباب وده غلط ما بالك ال انتي شيفاه امامك

بالنسبه لرائ
وهو مرتبط بالنقطه ال قلتيها
حضرتك بتقولي بتكلمي مع شباب وبتناقشيهم وهم ع درجه عاليه من الاحترام
مش تفرق مهو الشات بتكلمي مع شباب محترمين وتتانقشي في مواضيع تفيد بل انه لا تشاهدي الشاب امامك
وبتبقي مجموعه كبيره من الناس مش خلوه لسمح الله

واذا كان الشات في عيوب لاكنه فيه مميزات
انا اعرف كتير محترمين مجموعه يدخلوا بتناقشوا في الدين ومن خلال التناقش يفيدوا بعضهم

واحب اقول نقطه المراه ال بتطلب بحقوقها في انها تعمل مثل الرجل ده اكبر مثل

ده مش في اختلاط وممكن الاتنين من خلال التناقش في العمل يقعوا في غرام ويتجوهوا ال الغلط

ال عايزه قولوا العيب مش دخول الشات وغيره ما انتي بتتناقشي مع الشباب في الجامعه
العيب في التربيه
وزي ما يقولوا المحترمه لو في وسط مائه رجل محترمه وما حد يمسها
وال غير لو تقفل عليها بحديد تعمل مثل ما هي عايزه

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: sara

عدل سابقا من قبل sara99 في الإثنين 11 أبريل - 18:28 عدل 1 مرات

السلام عليكم ورحمة الله وبركاتة
بجد ردودكم ما شاء الله جميلة جدا ومبهرة بجد بتعبر عن شخصيات على تفكير عالى اوووى
بالنسبة لموضوعنا نكمل حوارانا

بالنسبة لراى الكاشف اولا انا معرفش صراحة شروط الخلوة بس انا سمعت كدة
وانا من عادتى بحب اتفادى الشبهوات حاجة مشبوهة وبالذات فى الدين ابعد عنها
عشان لو خسرت مش هخسر حاجة سهلة هخسر ذنوب وبعد عن ربنا ودة اصعب حاجة بالنسبة لاى حد
مفيش حاجة تستاهل اجازف بيها

ثانيا بالنسبة لردك على فلسطينى
يعنىمثلاا لو شاب وبنت اتكلموا مرة واتنين وبعدين ارتاحو لبعض اكيد هيفكر يشوفها او يكلمها فون ودة كدة دخلنا فى سكة تانية
بصراحة هيبقى الامر صعب شوية وكدة زى ما انا قلت وفلسطينى بيتطور غصب عننا فالبعد عنة احسن من وجهة نظرى
بالنسبة لراى الاخ وسيم راى جميل جدا ومنظم اوووى بجد ما شاء الله والامثلة اعجبتنى جدا
وربنا يخليك ويعزك عن دعائك لبابا ويستجيب منك ان شاء الله
انا ضربت مثل لبابا لانى الله يرحمة كان عنيا اللى بشوف بيها كانت اكيد نظرتة اوسع وخبرتة اكتر وكمان بابا كان متحضر ومواكب العصر وكان بيبقى عارف انى بتكلم على الشات العام وكنت ساعات باخد راى فى بعض المواضيع والاسئلة ههههههه الله يرحمة
المهم وانا بضرب مثل والدى شفت مثل اوسع شفت الرسول صلى الله علية وسلم لو كان مكانة
انا والله مش بقلل خالص يا اخ وسيم من اللى بيعملوا شات
انا بعمل شات كتييييير جدا بس مع صحباتى
فمش عارفة والله بس وجهات نظركم كلها تحترم بجد ما شاء الله
فى مرة بحث بجوجل عشان اعرف من نا حية حرمانية الشات فلقيت راى شيخ عجبنى جدا واقنعنى اوووى لو سمحتولى اعرضة وجزاكم الله خييييير على ردرودكم الهايلة

أنا بعدما أؤدي فروض الله سبحانه وتعالى أجلس على الإنترنت، وبعدما أتصفح المواقع الدينية معظمها أدخل على الدردشة، ومن الطبيعي أن أجد الفتيات والشباب حتى أتحدث معهم، وأكثر من مرة وجدت شباب محترمين جداً، وكلامنا لا يخرج والله عن نطاق الأخلاق والدين، فهو تعارف ونقاش في قضايا المجتمع، وأحياناً أيضاً قضايا دينية.فهل هذا حرام أم حلال؟ مع العلم بأني إذا وجدت أي شيء بعد ذلك يستدعيني للشبهة فأقوم بالانسحاب فوراً. فهل محادثتي إليهم حلال أم حرام؟ فأرجو التكرم والإجابة علي، وأفضل أن تبدأ الإجابة بـ "حلال" أو بـ "حرام".
الجواب لفضيلة الشيخ حامد العلي:"الحمد لله والصلاة والسلام على نبينا محمد وعلى آله وصحبه وبعد: ـ أيتها الأخت الكريمة، لايصح من المسلمة أن تتخذ من شباب ليسوا من محارمها وسيلة للمؤانسة بالحديث والحوار حتى لو كان ذلك على شبكة الانترنت، ولهذا قال تعالى "وإذا سألتموهن متاعا فاسألوهن من وراء حجاب ذلكم أطهر لقلوبكم وقلوبهن" ـ ويفيد قوله تعالى "وإذا سألتموهن متاعاً" ـ أن الأصل أن الحديث بين المرأة والرجل الذي ليس من محارمها على قدر الحاجة عند سؤال المتاع مثلاً، كما قال تعالى عن ابنتَيْ الرجل الصالح "فجاءته إحداهما تمشي على استحياء قالت إن أبي يدعوك ليجزيك أجر ما سقيت لنا" وفي موضع أخر قال "قالت إحداهما يا أبت استأجره إن خير من استأجرت القوي الأمين" ـ ونحو ذلك مما تدعو إليه الحاجة.أما الاسترسال بالحديث بين الجنسين، كما يحدث الرجل الرجل، أو المرأة المرأة، فما هذا إلا من سبيل الشيطان؛ يبدأ الشيطان بخطوة المحادثة، ثم ينتقل إلى خطورة أخرى: التعارف الأخص، ثم العلاقة، ثم التعلق القلبي، ثم إلى أن يحصل ما لا تحمد عقباه.ونحن لا نستطيع أن نقول مجرد الحديث الوارد في السؤال في الأمور المباحة محرم في حد ذاته، ولكنه طريق إلى الحرام، ولهذا فلا يجوز وضع المحادثة بين الجنسين في "التشات" بالصورة التي هي منتشرة على الشبكة.والله أعلم"

فى اراء تانية بتقول انة بينقسم لقسمين وفى اراء بتحللة بشروط لو عايزين تبحثة شوفها بس صراحة دة افضل راى عجبنى بس والله مش عشان متفق مع وجهة نظرى بس بحسة افضل من ناحية الدين ورضا ربنا
وربنا يهدينا جميعا ويجعلنا على الصراط المستقيم ويجعلنا على نهج رسولنا الكريم صلى الله علية وسلم حتى نلقى وجة كريم

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: bassma

ياريت يا بسمه تشوفي رائ وهو رد ع الشيخ ال جبتي رايه
وياريت يحرم المراه من العمل والتناقش مع الشاب في الجامعه واي اختلاط في التعليم لانه اللعن من الشات
بل انها تودي الي الغلط بكل سهوله
ونفترض اذا بنت شاهدت شاب وسيم في الجامعه ووسوس لها الشيطان وتكلمت معه ودخلوا في علاقه غراميه بكل سهوله سقعوا في الغلط

يا اخواني العيب في التربيه مش الشات وغيره

ونفترض مثل اخر صوت الرجل يفتن المراه اذا سمعتي صوت شاب في الجامعه بكل سهوله وبفضل وسواس الشيطان تقع في الغلط

ودي ادله تثبت

وربنا يهدينا لما يحب ويرضي

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: sara

قال تعالى "وإذا سألتموهن متاعا فاسألوهن من وراء حجاب ذلكم أطهر لقلوبكم وقلوبهن
وهنا في قول الله تعالي يقول من ورا الحجاب والشات لسمح الله مش مثل الجامعه ال بتشاهدي الشاب امامك
وبالنسبه لرائ الشيخ ما حد قال التعارف والعلاقه الخاص ده حوار في موضوع قابل للتناقش"مثله كمثل المنتدي

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: sara

رايك جميل يا سارة بس انا شايفة انة مش معارض ابدا لوجهة نظرى بالعكس دة بيكملها مش عارفة انتى شايفة اية بس عموما كلام جميل يحترم والاختلاط حرام وممنوع بس مش عشان كدة منزلش جامعتى مروحش شغلى ولا حتى نشاطاتى معتقدتش بالصورة دى لو المكان مفهوش اختلاط بشك صريح وانا مبتكلمش مع شباب ومبيثرش فتنة ومبخرجش كل يوم على الفاضى والمليان معتقدتش فى شى بس مش هعد قبل ما نزل من بيتى اراقب الشارع ولو لقيت شاب منزلش عموما ربنا يهدينا للى يحبة ويرضاة رايك جميل محترم ويحترم

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: bassma

لا يا حبيبتي رائ مناقض لرايك
تناقشك الان في الموضوع ومع شباب هو مثله مثل الشات
واذا كنتي شايفه التناقش في الشات محرم يبقي تناقشك في المنتدي محرم
وبالنسبه للاختلاط محرم وزي ما بحثتي عن تحريم الشات ورائ رد علي رائ الشيخ
ابحثي هتجدي ان اختلاط محرم
لانه يدعي للفتنه وبالذات انك تشاهدي الشاب امامك وتتناقشي معه والصوت فتنه

وانا عطتيتك امثله
وهعدها تاني

نفترض اذا بنت شاهدت شاب وسيم في الجامعه ووسوس لها الشيطان وتكلمت معه ودخلوا في علاقه غراميه بكل سهوله سقعوا في الغلط

ونفترض مثل اخر صوت الرجل يفتن المراه اذا سمعتي صوت شاب في الجامعه بكل سهوله وبفضل وسواس الشيطان تقع في الغلط

ودي ادله تثبت

وفي احايث تثبت ان الاختلاط حرام

ناتي رائ الشيخ في الشات
هو بيقول تعارف ويبقي كلام خاص
احنا ما قلنا كده احنا نقول زي ما حضرتك تتناقشي الان في موضوع في منتدي وتناقش مع شاب هيبقي في الشات نفس التناقش وهيبقي اكتر من شخص
واكيد كل بنت هتعرف الحدود فين ومين المحترم ومين لا

واذا خرج الكلام عن الموضوع فيها البنت تنسحب

قال تعالى "وإذا سألتموهن متاعا فاسألوهن من وراء حجاب ذلكم أطهر لقلوبكم وقلوبهن
وهنا في قول الله تعالي يقول من ورا الحجاب والشات لسمح الله مش مثل الجامعه ال بتشاهدي الشاب امامك
مثلها كمثل برامج التلفزيون نحن نشاهد نساء ومتدينين وبدرجه عاليه من الاحترام يتناقشوا مع الرجال في موضوع هادف في البرامج

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: sara

عدل سابقا من قبل sara99 في الثلاثاء 12 أبريل - 1:03 عدل 2 مرات

( كان رسول الله صلى الله عليه وسلم إذا سلم من صلاته قام النساء حين يقضي تسليمه، ومكث النبي صلى الله عليه وسلم في مكانه يسيرًا ) .

وحديث اخر

لا تدخلوا المسجد من باب النساء

وهذا حديث اخر

روى الإمام أحمد في [المسند] بسنده عن أم حميد امرأة أبي حميد الساعدي
رضي الله عنها، أنها جاءت النبي صلى الله عليه وسلم فقالت: يا رسول الله،
إني أحب الصلاة معك، قال: أحمد (6 / 371)، وابن خزيمة في [الصحيح] برقم
(1689)، وابن حبان في [الصحيح] (2217)، وابن أبي شيبة (2 / 382، 385).( قد
علمت أنك تحبين الصلاة معي، وصلاتك في بيتك خير من صلاتك في حجرتك، وصلاتك
في حجرتك خير من صلاتك في دارك، وصلاتك في دارك خير من صلاتك في مسجد
قومك، وصلاتك في مسجد قومك خير من صلاتك في مسجدي قال: فأمرت فبني لها مسجد
في أقصى بيت من بيوتها وأظلمه، فكانت والله تصلي فيه حتى ماتت ).

وكل حديث منهما صحيح

الرسول نهي عن انها تصلي في المسجد لمجرد انها تسير في الطريق ويقابها رجال
فضل ان تصلي في بيتها خوفا عليها فما بالك ان تتناقش مع شاب في جامعه وتشاهده وتجلس معه
.........

يبقي ياريت نطبق الدين في حياتنا ونمنع الاختلاط
وبعدين نكلم في الشات وزي ما زكرت الشات مثل المنتدي نتناقش في المواضيع واذا خرج عن الموضوع فيها البنت تنسحب

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: sara

هههههههههههههههههه الموضوع كبر أوووووووووووووووووى
الأول عايز أرد على كلام بسمه يعنى مثلا لو شاب وبنت اتكلموا مرة واتنين وبعدين ارتاحو لبعض اكيد هيفكر يشوفها او يكلمها فون ودة كدة دخلنا فى سكة تانية
بصراحة هيبقى الامر صعب شوية وكدة زى ما انا قلت وفلسطينى بيتطور غصب عننا فالبعد عنة احسن من وجهة نظرى
عايز يشوفها يشوفها يا ست الكل هو لازم يعنى يبقى فيه مقابله ما يعرف هي منين ولا فى كلية ايه ويشوفها بصى الصح لازم تلاقيله حل ويكون صح برده دا للى عايزه وبيعمل له وبعدين انه يشوفها دا هايبقى من باب النظر إلى المخطوبه وحلال شرعا طبعا من غير ما يقعدوامع بعض أو حتى يكلموا مع بعض عايز يقعد معاها ويكلمها يبئا فى بيت أبوها مش مشكله دى ليها حل أما لو فى نيتهم غير كدا فعايزه ايه من واحد داخل الشات عشان يتعرف على بنات وأرقام تليفونات ومقابلات وغيره وغيره وبتصل إلى ألعن من ذلك بكثير وعايزه إيه من بنت هواياتها فى الحياه كلها إن الشباب يجروا وراها فى شات فى كليه فى غيره عايزانى اقول دا الشات بتاعهم حلال لا طبعا .فهذا يعتمد على الشخص نفسه وما يفعله وما يؤمن به وما ينتوي فعله .
ثانيا الكلام هاياخنا لمواضيع كبيره أوى زى الإختلاط وما إلى ذلك ولكن فى النهايه أرجع وأقول دى حريه شخصيه كل منا يقتنع بما يراه مناسبا وبما يراه صحيح . أنا قولت رأيى اللى شايف انه بيعبر عنى وكل إنسان يعلم جيدا ماهى شخصيته وما يريده ويتناسب معه و الرأى الذى استدليتى بيه يا بسمه رأى جميل جدا ولصعوبة الموضوع لم يحصره بين حلال وحرام وإنما استخدم أكبر كلمه رأها مناسبه وهى ( الطريق إلى الحرام ). وهل الإنسان منا لايعرف متى يكون حراما ويجتنبه .فى الختام أذكركى بما قلته وأعتقد أن هذا الرأى إلى حد ما يصب فيه وهو عدم دخولك الشات من باب العفه هذا حسن أما الخلوه وما إلى ذلك من تكبير وتضخيم فأقول لكى يا أختى الفاضله من الصالحين من قال بأن اللحيه سنه مؤكده والسنه المؤكده تنزل منزلة الواجب والواجب ينزل منزلة الفرض فهى فرض وأصبحت اللحيه فرضا عندهم فى جملة واحده فمن يطيق هذا . فعن أبى هريرة أن النبى صلى الله عليه وسلم قال( إن الدين يسر ولن يشاااااااااااااااااااااااد الدين أحد إلا غلبه فسددوا وقاربوا وأبشروا واستعينوا بالغدوة والروحه وشىء من الدلجه ) رواه البخارى. وفى الحديث الشريف نهى تام وقاطع وصريح عن التشدد . عدم دخولك الشات من باب العفه شىء جميل جدا ومحمود ومن يدخله يعلم جيدا ما يفعل وهل الذى يفعله حلالا أم حراما أما كون الشات حرام قطعا وعموما فدا شىء صعب جدا إن حد يقوله . والله أعلى وأعلم والله أسأله السلامة لنا ولكم وأسأله الثبات والسداد لنا ولكم
وجزاكم الله خيرا على ردودكم وتفاعلكم ووجهات نظركم البناءه الجميله
لكم تحياتى

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: elkashif

السلام عليكم ورحمة الله وبركاتة

انا فى الاول هقول حاجة بعدين ارد على سار والكاشف
بالنسبة للاجتماع والردود على المووضع انتى بتقولى انها زى الشات
احب اقلك راى فى الحكاية دى والله اعلم اذا كان صح او غلط
موضوع الردود على المواضيع فاحنا بنرد على المضووع اما نضيف او ننقد او نشكر وفى تلك الحالات دة واجب علينا واللى كاتب المووضوع مستنى الرد فمعتقدتش ان دة زى الشات
حتى المرايا بجانب اننا بنعرف فكر الاعضاء اكتر الا اننا بنستفيد من خبرات الشخص ومواقفة وانا استفدت كتير من المرايا احاديث وايات وحكم واشياء كتير لفتت نظرى
وحتى لو انتى بتعتبرى حرام فازاى مثلا الداعيين الاسلامينن زى عمرو خالد ومصطفى حسنى ليهم جروبات على الفيس بوك وغيرة وبتناقش وبتعمل كومنات وبيتبادلوا الاراء غير الجروب اللى عمل الثورة وقلب الشعب معتقدتش ان دة حرام وكانوا كل كلامهم كومينتات مش تعارف وشات بصفاتهم الشخصية
وانا مثلا حضرت نداوات لمحمد حسان وعمرو خالد ومصطفى حسنى وكنا بنبعت لهم اسئلتنا فى ورق وكانوا بيردو عليهم
لو روحتى سالتى اى شيخ وقلتيلة لو اتكلمت مع شاب على النت لوحدنا حرام ولا لاء تخيلى هيرد يقلك اية ومتقليش قالك اية واستفتى قلبك
اما لو انتى بتعممى اوووى مووضع ان احنا بنختلط بحد فاما بتنزلى الشارع بتخدى معاكى محرمك وانتى بتشترى حاجاتك وبتخلى المحرم يكلم البياع بديل عنك او اما تركبى تاكسى
ولو انتى زى ما بتقولى ان فى شاب حاتط بيرفيوم لو انتى غضة بصرك مش هتاخدى بالك شاب ولا بنت وحتى ربنا يسرها وقال النظرة الاولى اللى غصب عنك ليكى والتانية عليكى فمش هنيجى احنا ونعقد الموضوع وحتى لو سمعت صوتة طيب مانتى بتسمعى صوت الشيوخ هههههههه هوة احنا لنبسطها اوووى لنعقدها اوووى
هههههه مش عارفة لية سارة انتى واخدة عنى فكرة انى بختلط لو انك متعرفنيش غير نت بس المفروض
صدقتنا قوية وانتى وعندك ثقة فية بس ما علينا
انا عايزةاوضحكلك وجة نظرى انتى وكل الاعضاء ان فى حاجة اسمها ضروريات وفى حاجات مبتعتبرش اختلاط زى الجامعة اما تسالى الدكتور

وفى فرق كبير اوووى بين الشات والندوات والموواضيع والاجتماعات والردود فياريت منخلطش الامور فكل حاجة ليها حكمها واسبابها وضروريتها

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: bassma

بالنسبة بقى للشات فانا هقلك وجة نظرى اللى انا رفضها انا قلتها كتير بس تقريبا انتى مخدتيش بالك وخلطى بينة وبين الرد على المواضيع

اولا *الشات حتى لو قلنا ان فى شبهة وهقلك الشبهة دى جاية منين انتى لما بتدخلى بتلاقى مثلا 3 بنات و3 شباب انتى طبعا ولا عارفة دول ولا دول الطبيبعى انك هتتعرفى عليهم انا مبتكلمش عليكى انا بتكلم على اللى بيحصل

المهم هتعجبى بشخصية حد اكيد دى طبيعة جنسنا البشرى او حد هيعجب بيكى لو مكنتش مرتبطة اما لو كنتى مرتبطة فدة مش اخلاص خالص حتى مش من اول مرة بس مع تكرار الدخول بتعجبى بفكر حد واسلوب حد

من وجهة نظرى اكيد الموضوع هيتطور هيبقى تفكيركم ومواضيعكم غير حواركم خالص فى الاول ويفضل الحوار يتطور فنظرة فابتسامة فكلمة فلقاء وربنا قال (ولا تتبعوا خطوات الشيطان(

ودى باين اوووى انها خطوات للشيطان وربنا قال ايضا (ولا تقربوا الفواحش )مش قال مش نقع فيها والعياذ بالله والكلام واضح

الكاشف تحياتى ليك ولكلامك ولمتابعة الموضوع بجد رايك جميل اوووى ويحترم

بس ياريت تقرا كلامى لسارة

وياريت تعلقوا ونتفاعل تانى بس فى نطاق الموضوع بلاش نخرج برة الموضوع

اسفة للاطالة

سلااااااااااااااااام

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: bassma

سلام عليكم
ازيكم يا جماعة معلشى جدا على تاخير الرد كنت اتمنى ان اشارككم من البداية بس انا معتدقتش انى هضيف كتير لانى حسيت ان الكلام اللى اتقال كفاية
فى اراء عجبتنى جدا وفى اراء صدمتنى جدا
انا اعتقد يا جماعة ان فى حاجات واضحة المفروض نعترف ان الموضوع غلط او صح سواء بنعملة او لاء مينفعش اننا نبرر حاجة احنا عارفين من جوانا انها غلط والله اعلم يعنى
عشان كدة احنا بنحب ندعى اوووى الدعاء اللى بيقول (اللهم ارنا الحق حقة وارزقنا اتباعة وارنا الباطل باطل وارزقنا اجتنابة )
انا باختصار وجيز انا كنت الاول طبعا زى ما المعظم عارف كنت بدخل الشات العام عادى وبنتكلم فى مواضيع مفيدة زى مانا كنت ببرر لنفسى بس كل ما ازدادات فى الدين شوية بحس ان الموضوع دة غلط اكتر من الاول
ولما كان حد بيدخل علية من اهلى وانا بتكلم فى الشات العام بالرغم من انة عارف انا مين وهتكلم فى اية الا انى بردو مكنتش ببقى مرتاحة ودة كان بيحسسنى بالذنب جدا وبالرغم من انهم ناس عاديين جدا فى الدين الا انهم كانوا بينتقضونى
ما علينا مش هحكيلكوا قصة حياتى بس فى الاخر حسيت براحة نفسية كبيرة اوىىىى لما قررت انى مدخلهوش تانى وكنت دايما الكلام اللى بيصبرنى بالرغم تعلقى الشديد جدا باخوانى واخواتى فى الشات ومعزتهم الكبيرة الا اننى اخترت الانسحاب مصبرة نفسى ب
(من ترك شيئا لله عوضة الله خيرا منه)
على الاقل محدش اعد يقلى اما كنت بنصح البنات وقلهم متتكلموش شات لانة مش صح كان ردهم المتوقع شوفى نفسك الاول برغم تبريراتى
فى النهاية اتقوا الشبوهات حتى لو انى شاكة انة حرام او لاء فمعملهاش افضل
احنا يا جماعة فى الموضوع دة مش جايين نجادل بعض وجايين نشوف راى كل واحد وحجتة اكيد الصح هوة اللى هنقتنع بى سواء احنا معترفين بى ام لا
وجزاكم الله كل خير عن الموضوع الرائع ويارب اكون ضفت حاجة لعل وعسى تكون صح والله اعلم انا صح ولا غلط بس دة مجرد راى
واختلاف الراى لا يفسد للود قضية

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: vanis

يمكن والله اعلم فانيس مش قريتي كلامي بس اعدهولك تاني بس قبليها احنا مش بنبرر احنا لنا عقل
انتي بتحرمي الشات ليه ما انتي بتكلمي مع نفس الشباب وتتحاوري معاهم في المنتدي يبقي هي هي
ياريت نفكر يعقلنا شويه
واجبلك الكلام ال رديت عليه ع بسمه
وكل واحد حسب ما اقتنع
ساعات بيتفرض عليا فى اى نشاط مثلا فى
العادى انى احضر اجتماع مثلا او اكون فى عمل فى اعضاء شباب ففى الاجتمعات
بعمل كومنتات زى هنا بالظبط واحيانا بطرح اسئلة محتاجه اجابتها او بكون
مستمعة او بطرح راى
وطبعا الناس بتكون ملتزمة جدا والمكان محترم جدا واكيد النشاط محترم جدا

انا بس قبل كل شئ وقبل رائ عايزه ارد ع نقطه بسمه
انتي قلتي بنفسك في الحقيقه في شباب والتعليم فرض عليكي كده
وده حرام انك تفضلي التعليم عن الدين
اذا قلتي ان الشات بتكلمي مع شباب وده غلط ما بالك ال انتي شيفاه امامك

بالنسبه لرائ
وهو مرتبط بالنقطه ال قلتيها
حضرتك بتقولي بتكلمي مع شباب وبتناقشيهم وهم ع درجه عاليه من الاحترام
مش تفرق مهو الشات بتكلمي مع شباب محترمين وتتانقشي في مواضيع تفيد بل انه لا تشاهدي الشاب امامك
وبتبقي مجموعه كبيره من الناس مش خلوه لسمح الله

واذا كان الشات في عيوب لاكنه فيه مميزات
انا اعرف كتير محترمين مجموعه يدخلوا بتناقشوا في الدين ومن خلال التناقش يفيدوا بعضهم

واحب اقول نقطه المراه ال بتطلب بحقوقها في انها تعمل مثل الرجل ده اكبر مثل

ده مش في اختلاط وممكن الاتنين من خلال التناقش في العمل يقعوا في غرام ويتجوهوا ال الغلط

ال عايزه قولوا العيب مش دخول الشات وغيره ما انتي بتتناقشي مع الشباب في الجامعه
العيب في التربيه
وزي ما يقولوا المحترمه لو في وسط مائه رجل محترمه وما حد يمسها
وال غير لو تقفل عليها بحديد تعمل مثل ما هي عايزه

.............ده ردي الاولاني

والتاني

تناقشك الان في الموضوع ومع شباب هو مثله مثل الشات
واذا كنتي شايفه التناقش في الشات محرم يبقي تناقشك في المنتدي محرم
وبالنسبه للاختلاط محرم وزي ما بحثتي عن تحريم الشات ورائ رد علي رائ الشيخ
ابحثي هتجدي ان اختلاط محرم
لانه يدعي للفتنه وبالذات انك تشاهدي الشاب امامك وتتناقشي معه والصوت فتنه

وانا عطتيتك امثله
وهعدها تاني

نفترض اذا بنت شاهدت شاب وسيم في الجامعه ووسوس لها الشيطان وتكلمت معه ودخلوا في علاقه غراميه بكل سهوله سقعوا في الغلط

ونفترض مثل اخر صوت الرجل يفتن المراه اذا سمعتي صوت شاب في الجامعه بكل سهوله وبفضل وسواس الشيطان تقع في الغلط

ودي ادله تثبت

وفي احايث تثبت ان الاختلاط حرام

ناتي رائ الشيخ في الشات
هو بيقول تعارف ويبقي كلام خاص
احنا ما قلنا كده احنا نقول زي ما حضرتك تتناقشي الان في موضوع مع شاب في المنتدي هيبقي في الشات نفس التناقش وهيبقي اكتر من شخص
واكيد كل بنت هتعرف الحدود فين ومين المحترم ومين لا
واذا خرج الكلام عن الموضوع فيها البنت تنسحب

قال تعالى "وإذا سألتموهن متاعا فاسألوهن من وراء حجاب ذلكم أطهر لقلوبكم وقلوبهن
وهنا في قول الله تعالي يقول من ورا الحجاب والشات لسمح الله مش مثل الجامعه ال بتشاهدي الشاب امامك
مثلها كمثل برامج
التلفزيون نحن نشاهد نساء ومتدينين وبدرجه عاليه من الاحترام يتناقشوا مع
الرجال في موضوع هادف في البرامج
............

( كان رسول الله صلى الله عليه وسلم إذا سلم من صلاته قام النساء حين يقضي تسليمه، ومكث النبي صلى الله عليه وسلم في مكانه يسيرًا ) .

وحديث اخر

لا تدخلوا المسجد من باب النساء

وهذا حديث اخر

روى الإمام أحمد في [المسند] بسنده عن أم حميد امرأة أبي حميد الساعدي
رضي الله عنها، أنها جاءت النبي صلى الله عليه وسلم فقالت: يا رسول الله،
إني أحب الصلاة معك، قال: أحمد (6 / 371)، وابن خزيمة في [الصحيح] برقم
(1689)، وابن حبان في [الصحيح] (2217)، وابن أبي شيبة (2 / 382، 385).( قد
علمت أنك تحبين الصلاة معي، وصلاتك في بيتك خير من صلاتك في حجرتك، وصلاتك
في حجرتك خير من صلاتك في دارك، وصلاتك في دارك خير من صلاتك في مسجد
قومك، وصلاتك في مسجد قومك خير من صلاتك في مسجدي قال: فأمرت فبني لها مسجد
في أقصى بيت من بيوتها وأظلمه، فكانت والله تصلي فيه حتى ماتت ).

وكل حديث منهما صحيح

الرسول نهي عن انها تصلي في المسجد لمجرد انها تسير في الطريق ويقابها رجال
فضل ان تصلي في بيتها خوفا عليها فما بالك ان تتناقش مع شاب في جامعه وتشاهده وتجلس معه
.........

يبقي ياريت نطبق الدين في حياتنا ونمنع الاختلاط
وبعدين نكلم في الشات وزي ما زكرت الشات مثل المنتدي نتناقش في المواضيع واذا خرج عن الموضوع فيها البنت تنسحب

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: sara

عدل سابقا من قبل sara99 في الثلاثاء 12 أبريل - 1:01 عدل 2 مرات

في نقطه عايزه اقولهااااااااااااااااا ياريت بسمه وفانيس يجاوبوني ع السوال ايه الفرق بين الشات والمنتدي
وهما الاتنين بتتناقشي مع الشباب
اذا عايزين تحرموا الشات مع انه ما في فتنه وهو التناقش العام يبقي حرموا المنتدي ودي نقطه عدتها اكتر من مره ياريت تقروا كلامي
لان ما بحب الهروب

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: sara

مممم والله يا سارة ما عارفة اقلك ايةبصى حبيبتى انا قلت الفرق بينهم ميت مرة هما مش مية بس تلت مرات فى كل مشاركة بقول الفرق بينهم وفانيس جت اكدت الفرق دة وشرحنها و موالواعدنا ساعة نكتب متقليش انك مفهمتيش او مخدتيش بالك او مقرتيشبجد مش عارفة هى المشاركة كبيرة بس حاولى تقريها بس عموما خلاص يا سارة لو مش عايزة تقريها انتى مقتنعة بوجه نظرك واحنا كمان عشان حرام نعد نعيد دة كلة وفى الاخر تسالى نفس السؤال بس عموما مكنتش عاوزة سؤالك يتكرر عشان لو حد دخل ممكن ميفهمش اننا رادين فميحاولش يقرا بس ما علينا حصل كل خييييييييييييييير

الموضوعالأصلي : ممم اية رايكم فى الشات المصدر : منتديات مملكة فلسطينى الكاتب: bassma

المواضيع العامه

ساحة الحوار والنقاش

ممم اية رايكم فى الشات

ممم اية رايكم فى الشات