بسم الله الرحمن الرحيم


السلام عليكم ورحمة الله وبركاته
نبدا ان شاء الله النهارده تاني مواقفنا
بس قبل ما نحكي حابب اسالك سؤال مهم
هل تؤمن بال حظ


بعد ما جاوبت يلا بينا نبدأ
كنت مسافر القاهرة
رايح مقابلة
شغل طبعا مش حاجة تانية
وطبعا طلع عيني علي ما قابلت الراجل
لاننا اول مرة نتقابل
جه اخدني بالعربية
ومشينا
قال ندردش شوية قولت ومالو
المهم شوية وجالو تليفون
وطلعنا علي مكان الشغل
الشيخ زايد
وطبعا صحرا المهم فضلنا ماشيين
وشوية
والعربية غرزت
ومفيش حد الدنيا هو بكسر الهاء
قعدنا استنينا لما جت عربية
ووافقت تطلعنا
مالقيناش جنش في العربية تتشد منه
المهم سيبنا العربية
وضربنا مشوار محترم لحد مكان الشغل
وده كان اول مسمار
طبعا هو مش مسمار
بس مشوها مسمار
عشان الرقابة



بعد ما وصلنا حب البيه يعمل تليفوناته
وكان معاه عدة سلايد
علي ما اذكر hctl
المهم لقاها معلقة
وطبعا ياخد تليفون ميين
العبد لله
وطبعا برضو
خرب بيتي مكالمات
وده كان المسمار التاني



المهم حسيت في الكلام انو بيزحلقني
وده لوحده مسمارين تلاته في بعض



قولت اروح بقي
روحت ناحية المحطة
لاقيت عربية فودافون بتنادي علي
خطوط ومعاها شنطتين هدية
طبعا انا مش محتاج خط
بس الشنط عجبتني قوي
الحمرا الصغيره دي
قولت اشتري
اديته الفلوس والبطاقة
وغيب قوي وهو بيكتب العقد
وطبعا انا مستعجل علي المحطة
ما صدقت اخدت العقد
ومشيت بسرعة علي المحطة
وطبعا نسيت
الشنط
واتقهرت عليهم
اهئ اهئ اهئ
وده كان المسمار السادس
معايا في العد ولا اية



وصلت المحطة
وفعلا لقيت القطر
فاضلة حاجة بسيطة ويطلع
قولت الحمد لله
وناسي خالص الشنط
حجزت وروحت اركب
رجلي اتزنقت في القطر
وكانت هتطير خالص
والجزمة بازط
وطبعا زعلت عالجزمة
مش علي رجلي
وده كان المسمار السابع
سبع مسامي
علي راي الفنانة القديرة روبي
سبع مسامير في رجلينا
بعد ما شوفتو المواقف دي
لو كانت اجابتكم علي السؤال في البداية بنعم

هل تعتقد اني شخص محظوظ
ههههههههههه
المهم
المواقف النهاردة كتير اهيه
فضلا ابعتو قولو رايكم
وايه اللي استفدتوه

يارب تكون عجبتكم
وما كونش طولت عليكم



اخوكم ســـــــــامي

الموضوعالأصلي : سعيد الحظ المصدر : منتديات مملكة فلسطينى الكاتب: samyzzzz

Tweet