بحب ربنا ..بس مش عايزة التدين يخنقني
السلام عليكم و رحمة الله و بركاته
هيه فعلا أحلى حياة في طاعة الله ؟
أنا بصراحة بحب ربنا أوي ونفسي أقرب منه أوي
بس بصراحة أنا عايزة أعيش حياتي بحس إنكم مخنوقين أوي وفي حاجات كتير مينفعش تعملوها
مينفعش تروحوا سينما ولا تحضروا حفلات ومينفعش أعيش حياتي مع
قرايبنا بنات وولاد وكمان هغير في لبسي
وأنا بحب أبقى شيك وألفت نظر الناس بشياكتي
بصراحة مش حاسه إنكم مبسوطين أنا بحب ربنا بس عايزة أعيش مبسوطة بردوا
مش ده كلام بنسمعه كتير ..كلام بيدور جوه بنات كتير مننا؟
إحنا مؤمنين إن ربنا سبحانه وتعالى هو الخالق؟! ده سؤال تسأليه طبعاً مؤمنة بالله
طيب أستني عليه هضربلك مثال عشان تفهمي قصدي
لو إنتي أشتريتي جهاز عشان تعرفي تتعاملي معاه كويس هتعملي إيه؟
طبعاً هتفح الكتالوج
جميل جدا
لما بتتعبي بتعالجي نفسك بأي دوا ولا بتروحي لدكتورة؟
بنروح لدكتورة طبعاً ليه؟
لأنها الأدرى بالأصلح والأعلم في المجال ده
طيب يا حبيبتي ولله المثل الأعلى ربنا سبحانه وتعالى الخالق قال
الَّذِينَ آمَنُوا وَتَطْمَئِنُّ قُلُوبُهُمْ بِذِكْرِ اللَّهِ أَلَا بِذِكْرِ اللَّهِ تَطْمَئِنُّ الْقُلُوبُ
وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَى
إحنا أتفقنا إننا مؤمنين بالله سبحانه وتعالى وبنحب ربنا سبحانه وتعالى
يبقى لما ربنا يخبرنا إن السعادة في الطاعة والمعيشه الضنك وضيق الصدر والعقوبات و...و...في المعاصي نصدق ولا لأه؟ نقول على
الإلتزام نكد؟ ولاندخل الطريق وإحنا مطمنين
أصل سبحان الله السعادة دي مش بالخروجه الفلانية ولا اللبس الضيق الفلاني والمدح عليه..و.. السعادة دي حاجة نفسية كده مش هكلمك من
ناحية دينية أنا بكلمك عادي ساعات تبقى كل حاجة عايزاها قدامك وكل سبل السعادة في ظنك سهله ليكي اوي بس حاسه بخنقة ومش مستمتعة
وأقرأي الآيه دي كده معايا بقلبك
وَأَنِ اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعًا حَسَنًا إِلَى أَجَلٍ مُسَمًّى وَيُؤْتِ كُلَّ ذِي فَضْلٍ فَضْلَهُ
عارفة إيه السعادة دي رزق من ربنا سبحانه وتعالى السعادة دي مش بتتشاف لكن بتتحس عشان كده إنتي فاكرة إلى لابسه الحجاب المحتشم ده ومخليه زينتها لزوجها وبين صحابها ومحارمها ومش بتسمع أغاني
فاكراها محرومة ومتنكده وبصراحة متزعليش مني إنتي إلى محرومة أصلك مجربتيش
طيب هديكي مثال بردوا دنيوي بعيد عن الدين خـــالص عارفة طبعاً إن سويسرا من أغنى دول العالم وإلى متعرفهوش بقى إن نسبة الإنتحار فيها عالية جــداً!!! طيب ليه مع إنهم أغنيــة جداااا ومرفهين جـــداً
عشان بمعاصيهم محرومين الرزق ده محرومين الإطمئنـــان محرومين الحياة الطيبة
عشان أنا بحبك جدا ونفسي أقابلك في الجنة هديكي آيه من احب الآيات لقلبي وواقع والله عايشاه في حياتي لما بقصر بتحرم منه
مَنْ عَمِلَ صَالِحًا مِنْ ذَكَرٍ أَوْ أُنْثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ
الشيخ محمد حسان بيحكي
عن واحد أوربي غني جداااااا ا
لشيخ دخل قصره بنفسه بيقول
بيته تحت الميه !! يعني غنى بجد
وحياه مرفهه بجد مش فتنتنا إلى
مش عايزين نقرب ربنا بسببها !
وقال للشيخ عمري مادقت سعادة
أبدا خدوا مني كل حاجة وإدوني السعادة
وأول ما نطق الشهادة بكى بكاء فظيع
وقال عمري ماحسيت بالراحة والسعادة دي أبداً
طيب حاجة أنا بستغربها جدا عارفة الأخوات إلى كانوا نصرانيات و بيسلموا اليومين دول
تلاقيها كانت لسه قبل إسلامها بيوم بتعترف في الكنيسة وبشعرها و..ويوم إسلامها رمت الدنيا ورا ضهرها أهلها وأمانها ودنيتها كلها وكمان مع أول إسلامها تغطي جسمها كله بالنقاب!!
إيه إلى بيخليهم يعملو كده وكمان يشهروا إسلامهم رغم إن إلى ليهم علاقة بشخصيات ليها منصب في دينهم بيتعذبوا عذاب المسلمات الأوائل في عهد النبي صلى الله عليه وسلم ولعله أنكى وأشد عشان داقو لذة الإيمان داقو السعادة إلى بتتحس لإلي بيدخل الطريق ده ويضحى بس هوه إلى بيدوق
أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ
السعادة دي إلى خلتهم يسيبوا السعادة الزائفة إلى إنتي فاكراها سعادة ويروحوا للسعادة الحقيقية
السعادة دي إلى خلت أخوات ليكي هنا كتير يضحوا بإلي إنتي مش عايزة تضحي بيه ومش ضحو وإتنكدوا أبدا والله وأنا أثبتلك من كلام الله تعالى
بالعكس فازوا بالدين والدنيا لأن الله هو الخالق هو تعالى إلى خلقك وأعلم منك بإن سعادتك في الحجاب المحتشم في القرآن ثم الأناشيد مش الأغاني
في إنك تطهري بصرك لزوجك بس و.. و...
فكري كده معايا معقول معقول ربنا خلق جنة ونار وأرسلك نبي (صلوات ربي وسلامه عليه) وقرآن وسنة ودعاة و..
عشان تعيشي تاكلي تتبسطي تتجوزي
تخلفي تجيبي عيال حلوين
تصرفي عليهم حلو وتعلميهم
حلو ويتجوزا ويخلفوا ويموتوا !!
معقول أمال مين هيعيش للجنة مع الدنيا بردوا؟!
وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ
ربنا خلقنا لعبادته يبقى المفروض الأولى نخلى دنيتنا تنفع مع دينا مش لو دينا نفع خير منفعش بلاش منه
ذاق طعم الإيمان من رضي بالله ربا، وبالإسلام دينا، و بمحمد نبيا
يلا عايزاكي تاخدي الخطوة وكلــــــــــــــنا هنا معاكي في زيك كتير عايزين ياخدو الخطوة شجعيهم وخدي بإيدهم عشان يبقوا كلهم في ميزان حسناتك
وإنتي أكيد ربنا دوقك حلاوة الإيمان مرة وانتي في مشكلة ولجأتي لربنا يااااه وذقتي لذة الأنس ومرة في رمضان وإنتي بتصلي القيام وتأمني من قلبك يلا بقى عايزين حياتنا بجد
الاوسمه
مدى نشاط الاعضاء
موضوع: بحب ربنا بس مش عايزة التدين يخنقنى. 
الأحد 10 يوليو - 9:30
الكلمات الدلالية 
رابط الموضوع 
BBCode 
HTML كود الموضوع 
هام جداً: قوانين المساهمة في المواضيع. انقر هنا للمعاينة 
