عطب في محطة أرضية

الموضوع عباره عن محطه ارضيه حدث بها خطا
و كان يذاع بها 3 برامج
النشره الاخباريه و تعليق على مباراه كره قدم و برنامج لك يا سيدتى
و لكن الخطا ادخل ال3 برامج فى بعض
فكان المذيع ( النشره) يقول جمله و يستكملها المعلق ( المباراه) او طبق اليوم ( لك يا سيدتى)
فنتج برنامج مختلط منهم الثلاثه
اليكم نص الحوار بسم الله الرحمن الرحيم
أعزائى المشاهدين نحب ان ننبه حضراتكم ان المحطه الارضيه بها عطل
فنى أدى الى تداخل بعض القنوات فى بعضها

المذيع : السلام عليكم و رحمه الله و بركاته و اهلا بكم معنا فى نشره الاخبار الاولى , و فى نشرتنا.....

طبق اليوم : أكلات جديده هنقدمها النهارده لست البيت و خصوصا السيدات العاملات اللى.....

المعلق : خط الهجوم للفريق القومى اللى على ايدك الشمال .. و الفريق القومى النهارده يتكون من ......

المذيع : الساده الوزراء و المفاوضين و كبار رجال الدوله حيث ادوا اليمين الدستوريه على وضع الشعب......

طبق اليوم : فى حله كبيره اوى و اقفليها كويس و خلى بالك منها و اوعى حاجه تخرج منها و بعدما تتأكدى من قفل الحله تعينى.....

المعلق : 3 لاعيبه فى خط النص....

طبق اليوم : و تغسليهم و تنشفيهم و تقطعيهم كويس و على طول تروحى حطاهم .....

المذيع : فى الوزاره القادمه التى تهدف الى ارتفاع سياسه ....

طبق اليوم : سد الحنـــــــك و اعملى حسلبك يا سيدتى ان سد الحنك من الاكلات المحبوبه خالص و خصوصا عند ......

المعلق : الحكام الدوليين النهارده على اتم الاستعداد لاداره المباريات و التى تقام تحت رعايه وزاره الشباب و .....

المذيع : صرح الوزير ان خطه الوزاره فى المرحله القادمه تهدف الى استغلال الشباب و تشغيلهم فى المشروعات الصيفيه مثل مشروع....

المعلق : لم الكوره من ورا الاجوان و يرجعها شحته لحلبسه , لكن يا خساره مقطوعه و تقع فى يد.....

المذيع : وزاره الداخليه و التى قامت با عتقال عدد كبير من المتطرفيين و قالت انها سوف ...

طبق اليوم : تدبحهم و تقطعهم و تفرقهم و بعد ما تسويهم على طول تقدمهم .....

المعلق : للحكم الدولى ..الحكم الدولى...الحكم الدولى مصمم على طرد اللاعب نمره 8 لانه رفض...

المذيع : التصويت ضد استخدام القوه العسكريه ضد فلسطين و قال ان الامتناع عن استخدام تلك القوه لانقاذ مسلم البوسنه و الهرسك و استخدمها ضد فلسطين يعتبر بمثابه.....

طبق اليوم : كــــــــــــــــوسه .. الكوسه لازم تكون صغيره عشان تقدرى تسويها و بعد ما تقوريها على طول تحشيها...

المعلق : بالجماهير العريضه اللى جايه النهارده علشان تستمتع برؤيتهم ....

المذيع : و برؤيه السيد الوزير و هو يتكلم , و قد نفى سيادته و جود اى علاقه بينه و بين أبى الهول و قال سيادته انه قد تبين له ان الشعب يحتاج الى صبر اكثر و اكثرو انه ينفذ تعليمات...

طبق اليوم : أبله نظيره... طبعا يا ستى كتاب ابله نظيره من الكتب المفيده اوى و خصوصا لما تكونى بتتعاملى مع.......

المعلق : خط الهجوم اللى عامل هجمه جامده اوى اوى ...

المذيع : على الشعوب فى فلسطين حيث عبر المندوب عن استيائه من معامله اليهود للفلسطينين و قد اجتمع مجلس الوزراء الاسرائيلى برئاسه.....

طبق اليوم : الارطاس.. الارطاس يا سيدتى مهم جدا فى تصفيه الزيت و عمل الكريم شانتيه و ام على .. وام على احسن حاجه حلوه تقدميها بعد الاكلات الدسمه ديه .شوفى يا ستى تجيبى ....

المعلق : الحكام الدوليين..

طبق اليوم : و تحطيهم جوا الفرن لمده عشر دقايق و بعدين تقدميهم ل...

المعلق : اللى ها يشوط . ها يشوط بره اوت يا خساره . يا خساره

طبق اليوم : باظت البصاره مش قلت ليك يا ستى ما تحطيش ملح كتير على البصاره على العموم تقدرى تشيليها دلوقتى زى ما هيه و تقدميها...

المذيع : للمفاوضين العرب فى محادثات السلام العربيه و الاسرائيليه و قد صرح مندوبين هناك ان الوفد الاسرائيلى ...

المعلق : واخد الكوره و بيشوط فى قنبله صاروخ قنبله...

المذيع : فى قلب العالم الاسلامى حيث استنكر سيادته عمليات القتل الجماعيه التى يتعرض لها المسلمون فى بقاع العالم المختلفه و على رأسها فلسطين و البوسنه و الهرسك و طالب سيادته بتكاتف المجتمع الدولى من اجل انقاذ....

طبق اليوم : الكريم شانتيه و الجيلى بالفراوله و ده بيتعمل جنب الجلاش و اكتبى يا ستى المقادير بتجيبى ........

المعلق : الحكام الدوليين....

المذيع : و أعضاء الكنسيت الاسرائيلى

طبق اليوم : و على طول تروحى رمياهم فى الزباله و تشترى جاهز أحسن و كمان يا ستى اى بواقى عندك ترميها عشان متعملش ريحه و حشه و خلى بالك يا ستى من ....

المعلق : وسط الفريق الاجنبى اللى عامل لعبه خطيره و بمهاره بيلعبها..

المذيع : مجلس الامن الذى رفض بقاء قوات حفظ السلام فى البوسنه و الهرسك و قال ان هذه لقوات صنعت خصيصا لحمايه.....

طبق اليوم : الكلاب ...خلى بالك يا ستى من الكلاب لاحسن لو شموا ريحه اللحمه هتروح...

المعلق : عمله هجمه شرسه اوى و لكن يا خساره حسن شفطوره عمل فاول مع زميله و الحكم بيحط ايده فى جيبه و بيطلع....

المذيع : تصريح بفرض السلطات اليهوديه حظر تجول على مدينه القدس و ردا على ذلك قامت الدول العربيه بعمل....

طبق اليوم : شربات بالفراوله و ده بعد الغداء و بكده يبقى فاضل....

المذيع : بعض الشباب الفلسطينى المجاهد فى وجه اليهود و لم يتبقى سوى .....

المعلق : انذار واحد و يخرج بره اللعب و دى نصيحه بنقولها لكل اللى بيجرى على ....

المذيع : مائده المفاوضات و بفضل هذه الشرعيه الدوليه العالميه اصبحت الشعوب العربيه....

طبق اليوم : مستويه و جاهزه للاكل و تقدميها لضيوفك و يقولى ليهم.....

المعلق : بره بره و يصفر الحكم الدولى بانتهاء المباراه و بكدا نقدر نقول مبروك....

المذيع : لامريكا و اسرائيل.

المعلق : و هارد لك.......

المذيع : للشعوب العربيه و الاسلاميه.

طبق اليوم : و هى دى الكوسه و بالهنا و الشفا يا سيدتى و موعدنا غدا مع برنامج لك يا سيدتى.

المذيع : و بهذا سيداتى انساتى سادتى تنتهى نشرتنا الاولى لهذا اليوم و السلام عليكم و رحمه الله و بركاته

نأسف حضرات المشاهدين عن هذا العطل الفنى بالمحطه الارضيه و نعلن انه سيتم اصلاح
هذا

العطل خلال الساعات القادمه و السلام عليكم و رحمه الله و بركاته

الموضوعالأصلي : محطه أرضيه المصدر : منتديات مملكة فلسطينى الكاتب: الزهرة البيضاء

Tweet

بصراحه حوار رائع وموضوع جميل ورسالته واضحة جدا كوضوح الشمس فى رابعة النهار
وسوف اتخذ الصمت ردا على كلامك فى هذه اللحظه الجميله لأن الصمت امام الجمال جمال ولا اذكر سوى قولى : ان هذا هو حال الامم العربية دائما وسوف تظل هكذا طالما بعدنا عن منهج ربنا وسنة نبينا صلى الله عليه وسلم وسوف يكون موقنا سلبى دائما حتى نرجع الى الطريق المستقيم ولا نخاف الا الله العلى القدير ونتمسك بقوله ( ولا يخافون فى الله لومة لائم)
وان قدر الله لى عودة مرة اخرى أن شاء الله وقدر لنا البقاء واللقاء

تحياتى لشخصك الكـــــــــريمــــــ

الموضوعالأصلي : محطه أرضيه المصدر : منتديات مملكة فلسطينى الكاتب: flestiny

Tweet

الموضوعالأصلي : محطه أرضيه المصدر : منتديات مملكة فلسطينى الكاتب: lola_raf

Tweet

شكر يازهره علي الحوار الرا ئع
سلمت يمينك

الموضوعالأصلي : محطه أرضيه المصدر : منتديات مملكة فلسطينى الكاتب: ayman2100

Tweet