السلام عليكم ورحمة الله وبركاته
انا جبتلكم الموضوع رغم اني بشجع كوره وبتفرج لاكن بعد ما شفت الموضوع ده احاول ابعد عنها واقلل من المشاهده..ويارب انتم كمان ربنا يهديكم
# ممكن آخد من وقتك لحظة ؟
- اتفضل
# إنتا أهلاوي ولا زملكاوي ؟؟
- أنا يا سيدي أهلاوي أباً عن جد (مثلا)
# مش مهم عندي تقوللي إنتا إيه بالظبط المهم إنك بتشجع كورة صح ؟؟
- آه طبعا .. ليه في حاجة
# و هذا التشجيع يستحوذ على قلبك و عقلك أثناء مشاهدة تلك المباريات
- مش فاهم قصدك إيه؟؟
# يعني أنك بتحب الفريق اللي تشجعه بكل جوارحك و بتتعصب له
- طبعا .. مش بقولك أهلاوي أصيل ( مفتخرا )
# و إيه اللي فإيدك ده ؟
- دي جرايد رياضية عشان أتابع آخر الأخبار ( الرياضية طبعا )
# و في النهاية أستفدت إيه لما الفريق بتاعك بيكسب ؟
هل تزداد قربا من الله ؟ أو تزداد حسناتك ؟
- لأ طبعا
# هل بتترقى في شغلك ؟ بتاخد فلوس ؟ بترتفع مكانتك بين الناس ؟ هل تزداد ثقافتك و علمك ؟
- لأ طبعا
# أمال إيه ؟ بتستفاد إيه ؟
- مش هضحك عليك .. مش بستفاد حاجة .. بس عادي يعني .. بتسلى ..
# بتروح الاستاد ؟
- ساعات.. لما الماتش بيبقى جامد ، ولما بيبقى عادي بتفرج عليه في البيت أو على القهوة لما بيبقى متشفر !!
# و بتروح الاستاد قبل الماتش بأد إيه ؟
- حوالي أربع ساعات كده !!!
# أربع ساعات (مندهشا)... و بتصلي فين ؟
- لأ الصراحة بتفوت عليا الصلاة بس بصلي لما برجع
# إنتا بتحفظ قرآن ؟
- لأ ، أنا نفسي احفظ و الله بس مش لاقي وقت !!!!!!!
# ( مذهولا) مش لاقي ميييييييين ؟؟؟؟؟
إنتا بتكلمني أكِن الكورة دي من أساسيات الحياة !!! خلينا نفترض مثلا أنك بتتفرج على ماتشين "بس" في الأسبوع ، و الماتش الواحد بالهاف تايم و الاكسترا تايم بيعمله حوالى ساعتين و التعليق "قبل و بعد" يبقى كده حوالي تلات ساعات اضربهم في اتنين يعني حوالي ست ساعات في الاسبوع ، يعني حوالي 312 ساعة في السنة ده غير طبعا الماتشات اللي بتروح فيها الاستاد ، ده غير الجرايد الرياضية اللي بتقرأها.
312 ساعة ممكن تحفظ فيها القرآن كله ، ممكن تقرأ الكثير والكثير من الكتب لو عايز ،ممكن تعمل فيها حاجة تخدم الدين ، وتقوللي معنديش وقت ؟؟؟؟؟؟ ببساطة ممكن لو استبدلت هذه الساعات بحفظ القرآن أو تعلم العلوم النافعة ، كان زمانك بقيت حاجة تانية !!!
ألا تعلم أن رسول الله قال" لن تزول قدما عبد يوم القيامة حتى يسأل عن أربع: عن عمره فيما أفناه وعن شبابه فيما أبلاه وعن ماله من أين اكتسبه وفيما أنفقه وعن علمه ماذا عمل به ؟ "
ألا تعلم أن رسول الله قال "نعمتان مغبون فيهما كثير من الناس ، الصحة والفراغ"
ويقول الشاعر
الوقتُ أنفسُ ما عنيتَ بحفظه *** وأراهُ أسهلَ ما عليكَيضيع
علام تضيع وقتك وشبابك ومالك ؟؟ على إيه حرقة الدم و بوظان الأعصاب ؟؟ علشان إيه تتهاون في الصلاة - اللي مالهاش أي عذر أبدا حتى المريض و و المعاق "حفظك الله" و المسافر بيصلوا و أول ما يحاسب عليه العبد يوم القيامة الصلاة – علشان إيه تتنرفز وتشتم اللاعبين و تغتابهم و تتحمل ذنوب طول ما انتا قاعد ؟؟ علشان إيه تحصل مشادات بينك وبين صحابك بسبب اختلاف وجهات النظر اللعبة دي ضربة جزاء ولا لأ ؟؟ علشان إيه تقعد في قهوة وسط ناس بتشرب دخان و تقعد علشان تتفرج على ماتش ؟؟ علشان ايه تدفع فلوس علشان تتفرج على الماتش في الاستاد أو علشان تشتري شوية الجرايد اللي فإيدك دي كل يوم ؟؟ .. مش لو كنت تصدقت بيهم و أعنت بيهم محتاج أو اطعمت جائع أو حتى حوشتهم كان أحسن ، و تذكر الحديث بيقول أن من أول ما يحاسب عليه العبد يوم القيامة "ماله من أين اكتسبه وفيما أنفقه".
- فعلا أنا بضيع وقت كبير وأنا مش حاسس
بس الرياضة مطلوبة برضه مش كده ؟؟
# تمام .. بس انك تمارسها مش تتفرج عليها ، العب كورة بنية التريض و الترويح عن النفس لدفع الفتور والملل ، مش تستلقي على الكرسي تشاهد الماتش و تقوللي دي رياضة !!
- كلامك جميل مقلتش حاجة بس انتا مكبر العملية كده ليه.
# هاقولك ، عارف .. لو امتلأت المساجد مثلما يمتليء الاستاد لانصلح حالنا و هزمنا أعدائنا و عاد الاسلام قويا مذدهرا كما كان.
# هسألك سؤال بس بالله عليك تجاوبني بصراحة .. تحب تموت و إنتا قاعد بتتفرج على ماتش ؟؟؟؟؟؟؟؟؟؟؟؟؟؟؟؟؟
- لأ طبعا مش عايز أموت وأنا قاعد على ماتش بس بتهيألي يعني احتمال بعيد شوية إني أموت دلوقتي .. ياعم احنا لسه شباب .....
# وهوا يعني مين كان يتوقع إن "محمد عبد الوهاب" كان هيموت في السن ده وبالصحة دي و وهوا بيلعب كمان !!
بالله عليك مرة أخرى لو كان يعرف كان عمل إيه ؟؟؟؟؟؟؟؟؟
- كان قعد يصلي ويقرأ قرآن علشان يموت على خير
# طيب أديك إنتا قلتها مش نلحق إحنا بقى نفسنا علشان نموت على خير و نكون من أهل الجنة بدل تضييع الوقت في هذه التفاهات ؟؟
- و الله عندك حق ، انا عمال أجادلك بس انتا عندك حق ، خلاص قررت.......
>>>> مش هتفرج على ماتشات تاني <<<<
أخي الكريم
ما جعلني أسوق هذا الموضوع أنني قررت ولله الحمد أن أترك مشاهدة الكرة نهائيا إن شاء الله أسأل الله أن يرزقني الثبات و الاخلاص.
أخي الكريم
أدعوك إن كنت قد ابتليت بتشجيع الفرق ومشاهدة المباريات أن تعقد العزم أنت أيضا على ترك ذلك الأمر نهائيا ، فالعمر قصير ووقتك إنما هو حياتك وثروتك و الدنيا ساعة فاجعلها طاعة و اعلم أن القلب مثل الوعاء ، له سعة محددة فلتكن كلها مملوءة بحب الله فإذا ملأته بالتعلق بالكرة ومحبتها انتقص ذلك بلا شك من محبتك لله عز وجل ، فلنتعاهد سويا اليوم على ترك ذلك الأمر
أختي الكريمة
خرجت علينا بعض الفتيات في الفترة الأخيرة بموضة جديدة إسمها التشجيع و الفرجة على الكورة خاصة بعد كأس الأمم الأفريقية الأخيرة ، يشاهدن اللاعبين بلباسهم القصير "الشورت" وهذا طبعا لا يجوز ، و يهتفن بأسمائهن ، و يندسسن وسط المتفرجين في الاستادات ، و يجلسن خلف الشاشات ، ويتجادلن فيما بينهن و يتناقشن حول النجم المفضل !!!!
ولا حول ولا قوة إلا بالله
فلتتقي الله ولا تركبي تلك الموجة المغرقة وانصحي أخواتك كفانا الله وإياكي شر الفتن.
أخوتي الكرام
إليك بعض الخطوات لتيسير ذلك:
1- إخلاص النية لله عز وجل
2- الاستعانة بالله عز وجل فهو خير معين
3- العزيمة القوية لترك تلك المباريات نهائيا
4- الابتعاد عن أماكن مشاهد تلك المباريات ( مثلا لو فيه حد في بيتك بيتفرج ابعد عن المكان في الحال )
5- عدم متابعة أخبار اللاعبين والفرق والمسابقات في الصحف و التلفزيون
6- اشغل وقتك بالقرآن بذكر الله و بما هو مفيد
الاوسمه
مدى نشاط الاعضاء
موضوع: أهلاوي ولا زملكاوي ؟؟؟ 
السبت 6 نوفمبر - 20:38
الكلمات الدلالية 
رابط الموضوع 
BBCode 
HTML كود الموضوع 
هام جداً: قوانين المساهمة في المواضيع. انقر هنا للمعاينة 
